Abuan, 22 Februari 2022, Mapugeh ring peraturan Gubernur Bali nomor 80 warsa 2018. Pemerintah Desa Abuan nyanggra parikrama Bulan Bahasa Bali IV warsa 2022 sane pinaka bantang patititsnyane : Danu Kerti - Gitaning Toya Ening. Parikrama puniki wantah matetujon ngupapira miwah ngawerdiang basa, sastra miwah aksara bali. Parikrama Bulan Bahasa Bali IV warsa 2022 ring Desa Abuan Kabungkah olih Bapak Camat Susut, Kasarengengin olih Bendesa Alit, Bapak Perbekel Abuan, Babinsa miwah Bhabinkamtibmas Desa Abuan. Ring panglimbak Covid-19 sampun nginggilang protokol kesehatan. Parikrama Bulan Bahasa Bali ring Desa Abuan malarapan antuk makudang-kudang wimbakara, minakadi,Wimbakara Nyurat Aksara Bali pantaraning SD, Wimbakara Ngwacen Aksara Bali sane kamiletin olih Sekaa Truna-truni Lan Wimbakara Masatua Bali sane Kamiletin olih Paiketan Krama Istri. Parikrama inucap kasokong antuk prabeya sane mawit saking APBdesa Desa Abuan warsa 2022.
Pinaka panguntat sajeroning parikrama Bulan Bahasa Bali Desa Abuan wantah nyukserahan olih olihang majeng para Jayanti, inggihan Jayanti Nyurat Aksara Bali, Jayanti Ngwacen Aksara Lan Jayanti Masatua Bali.